كيفاش نطيح ألفاوومن ؟

كيفاش نطيح ألفاوومن ؟

ملي كنت باقي مبتدئ فتزلال, كنت كانبعد على ليزالفاوومن, لحقاش كان الإعتقاد ديالي و الصيرفو ديالي تايقوليا بلي لا راه أمبوستحيل طيحها, و لكن فالأخير كتاشفت أن الألفاوومن فالمغرب, ضحية سهلة.

دابا نرجعو مع بعضنا –كيما تايقول الدون ديالنا- و نخدمو الصيرفو مزيان و نفهمو الشخصية ديال الألفاوومن, لكن قبل خليونا نعرفو و نكتاشفو شنو هي هاد الألفاوومن بعدا, و شكاتعني؟, بغيف, ألفاوومن هي بنت تايقا فراسها بزاف, عندها بزاف ديال الأصدقاء, سيغكل سوسيال هي هديك, ديما تاتشوفها مع شي دري فشكل, و هي لباسة و مستيلية...

مزيان, دابا عرفتي ألفاوومن, و آآآآآآآجي نقوليك واحد السر, فالمغرب ألفاوومن كاتعرف بزاف دراري آه, ولكن ماكاتعنيش بلي راه كاتعرض لتزلال, هادوك باش تكون هاني راه مجرد أصدقاء ضحايا, دارتهم فلفراندزون, و هي غالبا كاتكون كاتفضل الصبر على الحب, أنا غانشرح ليك, مثلا تعرفتي على ألفاوومن, ودوزتو وقت طبقتي كلشي الدروس, فلأخير قلتي ليها كانبغيك قالت ليك نبقاو أصدقاء, ماتخلعش و ماتزعزعش, حيت هي كاتصبر باش تحصل على طلب مغري, وكاتفضل الرجل الرمنسي...مهم هادشي كامل من بعد و نشرحو ليك حيت لا بديت ماغانسالي تالغدا.

دابا ندوزو لخطوات :

1- آمن بلي راه ألفاوومن ماغوكين, تاحد ماتايزعم يزلل عليها, و بلي ملي غاتسالي هاد درس غاتكون مستعد باش طيحها, و كن متأكد أنك ماغاتعرضش للقمع من طرفها, ولو تعرضتي ليه فالمهم هو تعرف كيفاش ترياجيري, و هادشي كامل غاتعرفو دابا.

2- ماتقوليهاش عجبتيني, وداك لحزاق لي تافقنا عليه من قبل...ألفاوومن معروف عليها كاتقلب غير فين تشدك, و لكن إذا كنتي عارف شنو غاتقول راك غاتكون قدرتي طيحها.

1-2) شنو نقوليها ؟ : -سمحيليا, نقوليك لمن كاتشبهي ؟ -ابتسامة-
+كاينين جوج احتمالات :
تقوليك : لمن ؟ -ديك ساعة تجاوب وتقوليها: تفرجتي فداك لفيلم ديال –أي فلم تكون ماكاتعرفوش- . ديك ساعة دويليها على لفيلم.-
تقوليك : لاء –ديك ساعة قوليها: واخا, تسمحيليا نقوليك شكون كايشبه ليك؟ -ابتاسم-.

3- من غير لهضرة خاصك تلنازم ب 3 ديال السلوكيات باش ألافان تربح, و تكون نتا هو –زورو-,.

1-3) شنو نلبس؟ : باش طيح درية ألفا, ضرور ماتكون لباس, ومن الأحسن تلبس كوستيم لا كانت عندك من 22 عام لفوق بشرط تكون لابس سروال دجين, وحداء نظيف أسود, وتيشورت بيضاء. أما لاكنتي أقل من هاد العمر لبس دوك لبسات لي كايكون فيهم شي مقولة زوينة و مستيلي, حيت دريات فالعمر ديالك, كايعجبهوم داكشي.
2-3) شنو ندير؟ : ساروت أي درية هو الإبتسامة حيت كاتبين ثقة ديالك في النفس, ألوغ, أول حاجة ديرها هي تبتاسم, ثاني حاجة حرك يديك أثناء الحديث, حيت علماء النفس تايقولو أن درية واخا كاتعصر راسها باش تسمع ليك, راه كاتستقبل غير 20 فالمية و الباقي مقسم 70 فالمية كيفاش كاتحرك و 10 فالمية أي كونتاكت, لي هو النظر أثناء الحوار. –قرا درس كيفاش نقيس درية؟-.

4- تعاشر مع ليزالفامان, وربما ماغاتلقاهومش فالمغرب فديك الحالة تعرف على شي درية لي كاتعرف ألفاوومن و تداخل معاهم باش تولف الجو ديالهم.

5- ماتنساش تفاعل معانا, ودير جيم, و تقولينا الرأي ديالك فينا و الإقتراحات دياولك.

#كوتش_زكرياء

كيفاش نطيح درية باغ طيلي ؟-PHONE GAME-

كيفاش نطيح درية باغ طيلي ؟-PHONE GAME-

عشيري أهم حاجة خاصك تعرفها هو أن هاد الموضوع را ماتايهدرش على كيفاش طيح أي درية لا هادي خاصك تكون نتا لي شاد النمرة ديالها، أما ايلا كنتي جاقرها من عند شي صاحبك غا حيد منك داك التزوميل او دخلها فاص اولا حمرا خرج قاود. تقد تصدق ليك مرة جوج و لكن ماشي ديما.
دابا اشناهو الفون كٌيم ؟ تانشوف دوك الدراري ديال فرنسا فرحانين وي الفون كٌيم تايعاون او طاطا.. صاط حنا ماشي فرنسا حنا ايلا كترتي مع الدرية فالتلفون غاتولي "بارد" "عنوب" او الوصف لي تايعجبني شخصيا " أكبر ولد القحبة"
اشناهوما الايجابيات ديال الفون الكٌيم ؟
ماتايكونش عندك داك المشكل ديال التوتر يعني ا صاط راك تقد طلقها تسرح كيفما بغيتي..
او تايخليك تجيها نيشان ماشي حينتاش راك مقود فريك لا غاحينتاش خايف على الصرف .
أو ماغاديش ضيع معاها بزاف ديال الوقت صافي مابانش ليك فيها تاتقلب او تاتشوف الدرية الماجية.
اشناهوما لي زيطاب لي خاصك تعرف ؟
ـ قبل ماتدوز أول مكالمة، سبق أول مساج، اشنو فيه ؟
شي حاجة بالفرنسية اولا النجلبزية المهم باش تبين ليها بلي راك نتا هاداك.
ـ عيط ليها مني تكون ناشط ، مع العشران برا ، "هه وا فين صافا ؟ وي صافا نتا بخير ؟ مزيـــان وا راك فرحان ا سيدي اش واقع ؟ والو غا خالقين السعادة أنا او شي عشران" شفتي ؟ هكا بينتي ليها بلي راك مامحتاجهاش راك ديجا عندك معامن تعمر.
ـ نفترض كٌاع عيطتي او شداتك البواط فوكال( أنا كات يسحابني البواط فوكال مستيليا تانعيط " واش مون أموغ را جو فيان دو طابيلي" او هادا أكبر خطأ ) ايلا ماكانش عندك شي حاجة مهمة بلاما دير مساج فوكال.
ـ فاش تبدا الهدرة معاها غادي تقول ليك "شكون معايا ؟ " عنداك تجاوبها هكا " أأأأ، أنا يونس، عطيتيني النمرة ديالك" جرب هادي "واش سي رشيد الوالي" او صافي لخص بلا كترة الهدرة.
ـ هدر بطريقة مرزنة داكشي سكسي حبي فهمتي ؟
ـ خليك ديما نتا لي مطلع المورال عليها زعما ناشط كتر منها، داك التقشاب او داك الحزاق بلاش خليه تاتعرف عليها مزيان.
ـ كي تبان ليك الهدرة ديالك معاها نتا لي قطع الأول ولكن كيفاش ؟ " اوك سلوى دابا را معايا شي دراري ماخلاونيش نهدر معاك " أي سبب لي يخليك تبان مقود فريك.
اشنو ماخاصكش دير ؟
بلاما دير فيها عزي مخزز اولا داك القلاوي لبدهـــا او قرى هاد القلاوي.
ـ ماتحاولش تضيع جزء من حياتك ف" ناري كيفاش غانبدا معاها الهدرة" الخ الخ..
ـ ماتبداش معاها الهدرة ب"واش تقدي تهدري " ؟ " مسالية نهدرو شوية ؟"

دابا غادي ندخلو لطريقة الهدرة فالتيليفون :

فاش تاتكون تاتهدر مع درية فالتيليفون را ماشي بحال كيفما تاتهدر مع عشيرك على حسال شي بلان .. مع التيتيزة را خاصك التباتة او الرزانة. او عمرك مادير هاد الخطأ " ألو أنا أمين واش ممكت نتلاقاك ؟" حمرا خرج قاود. تاتكون دافيد بيكام عاد ديرها. ألوغ اصاط اشنوهوما لي زيطاب لي خاصك دير ؟
الخطوة 1 :
فالخطوة لولة راك كاتهدر غا باش تسولها على حالها او طاطا..
فحالة ما كانت صافا نقز ليطاب 3 بلا ماتشوف ليطاب 2
الخطوة 2 :
الهدف من هاد الخطوة هو نخلق الحماس فهاد الصاطة باش مني تقوليها نتلاقاك او ماتخرجش ليك الحمرا.
← عاود ليها على شي طرائف وقعو ليك تايضحكو.
← عاود ليها شي حكايات مهمة بخال شي قصة فيها التشويق او داكشي..
← سولها على شي حاجة لي غاتبدا تجاوب عليها او تحل ليها .. مثلا : اللون المفضل، فين سافرات الصيف الفايت..
← هدر ليها على مشروع الحياة ديالك شي حاجو تكون مقودة واخا طلقها تسرح ماشي مشكل.
الخطوة 3:
هنا الوقيتة ديال الرونديفو ، ماتجيهاش ديريكت بطريقة فنية.
← سولها على اشنو دارت فالويكاند الفايت
← عاود ليها على اشنو درتي نتا فالويكاند الفايت.
← ماتزربش او تقوليها نتلاقاك.
الخطوة 4:
دابا جات الوقيتة ديال الرونديفو
← ماتقولش ليها على حساب غدا سولها اشنو عندك فالسيمانة الجاية.
← قوليها شي حاجة لي مثيرة للاهتمام، او هنا غادي نقول لولاد العيون ايلا ماستاغليتيش الفرصة ديال السهرة لي دايرن فالساحة غادي غانكح دين مك.
← اقترح ليها ماشي عرض عليها، مثلا : ٍا هاد الويكاند كاينة سهرة أنا غانمشي ليها شنو بان ليك نروحولها مع بعضنا ؟

دابا غادي نعطيك خلاصة را الدرية فاش تاتعطيك النمرة راها تادير احتمال كبير أنها غادي تزيد معاك القدام فالعلاقة...

أنا درت لي عليا الباقي ليكم

#دون_أمين

كيفاش نرجع ساطة ديالي ؟

كيفاش نرجع ساطة ديالي ؟

كانت عندك ساطة, ولكن درتي معاها شي بلان مقود, قودتي سوايع معاها بلعربية, دازت شي يامات و نتا تندم, بغيتي ترجعها, لقضية ساهلة, ولكن قبل مانقوليك كيفاش ترجع ساطة ديالك, بغيت نفكرك بلي ساطة ديالك, ماكاتبغيكش حيتاش كاطلب منها سماحة, ولا حيتا شنتا ضعيف الشخصية, لا لا لا, هي نهار لول لي طاحت معاك فيه, غير حيتاش نتا ضحوكي, تلقائي, قوي الشخصية, إذا لي نقوليك هو ماطلبش منها سماحة, وتبقى تزاوك فيها.

دابا جالوقت باش ترجعها, بانت ليك دايزة, ماترددش باش تمشي عندها وتبان زامل بما تحمله الكلمة من شدود, سير عندها بكل تقة في النفس, و لي نصحك بيه, هو واياك ثم واياك دير بحال شي دراري, وتبقى تقول ليها عافاك سمحيليا, لا راه غانموت, مانقدرش نعيش بلا بيك, لا راك تقدر تعيش بلا بيها ماحدك كاتاكل و كاتشرب و كاتنفس.

دير فبالك بلي راك غاترجعها وكن تايق فراسك, ماتفقدش لأمل و تقول لا راه داكشي لي درت ليها مقود وماعمرها غاتسمحلي, ماحدها كتبغيك, راه غاترجع ليك, و مايمكنش ماتبقاش كاتبغيك, فقط لأنك غلطتي, شوف كمثال, فالأفلام كاتشوف لبطل شلقم درية أخرى و فلخر كاتسمح ليه, حيت كلشي على الحب, و الطريقة باش غاترجعها.

دابا مزيان نتا راك تايق فراسك, وراك قدامها, عندك جوج ديال لحوايج تقولهوم ليها, أول حاجة خاصك طلب سماحة, ولكن كيفاش؟ ماشي تقوليها هالعار لملمة لما رجعي, وتبدا تبرهش قدامها, غادي تقوليها: " شوفي آخر حاجة كنت نفكر فيها هي نجرحك, سمحيليا." و إذا قستيها مورا ماقلتي هاد لهضرة غاتسرع ديكور, وتاني حتجة تقولها ليها, هي : "قولي ليا 3 ديال لحوايج لي كاظني غادي يخليو لعلاقة ديالنا تبقى ناجحة, ونقوليك أنا حاجة وحدة." مهما يكون داكشي لي قالت ليك, نتا غاتقوليها, حاجة وحدة هي : أنا قابل هادشي لي قلتي, وانا باغي حاجة وحدة منك هي نرجعو لبعضياتنا, و نطبق هاد 3 ديال لحوايج لي قلتي ليا, ونشوفو واش غاتنجح لعلاقة ولا لا, و إذا مانجحاتش, ديك ساعة غانتقبلها.'

فالجملة الأخيرة بينتي ليها أنك قادر تعيش بلا بيها, و أنها هادي هي آخر فرصة ليها, باشما ضيعكش, دابا بقاتليك خطوة أخرى, هي تمشي فحالك, ملي تسالي هضرتك, سير فحالك, ماتخليهاش تجاوبك أو تفكر, خليها مرونة وراها غاتفكر فالهضرة ديالك مزيان و غادي تجاوبك من بعد فميساج, وتقوليك أنها فكرات مزيان و لقات بلي هضرتك معقولة.

وآخر خطوة ولي هي مهمة هي تبارطاجي لاباج مع عشرانك, و دير جيم, وتفاعل معانا. émoticône smile


#كوتش_زكرياء

كيفاش نطيح درية فمكان عام ؟

كيفاش نطيح درية فمكان عام ؟

الأغلبية فاش تاتجي تسولو على التزلال اولا كيفاش طيح شي درية تاتحس بروحك تاتهدر مع نيل كافري شخصيا، ولكن تايبقى ديما داك العائق ديال توقف درية فمكان عام- السويقة، المول، اولا السنطر ديال المدينة – مشكل مقود، ألوغ كيفاش تزير قليواتك باش تولي قاد توقف على شي درية فمكان بوبليك ؟
صاحبي قريتي على فن التزلال فالباج ديالنا اولا فشي بلاسة أخرى او جاك داكشي ساهل مـــاهل ؟ غادي نجيك باختصار او نقوليك را كٌاع داك القلاوي ماخدامش مع درية فمكان بوبليك، علاش اسي الدون ؟
ولكن هاد المرة فعلا خاص يكون عندك داكشي ديال النحاس، علاش؟ حينت خاصك دير بزاف ديال المحاوالات مرة تصدق ليك مرة يتحشى عليك شي كٌول (أنا شخصيا فاش تانكون خارج مع لايكيب ديالنا او تايمشي شي واحد عند شي صاطة تايكونو معاها بزاف ديال البنات تايببدا يبان ليا داك الصاط بحال الحارس او البنات هما اللعابة تايتيريو عليه او هوا خاصو يكٌاردي الكواري خخ) المهم نرجعو للموضوع ديالنا علاض خاصك يتحشاو عليك الاهداف باش تعلم ؟ راك ايلا بقيتي درية لي وقفتي عليها 'واش صافا ' او هي تشد معاك الستون هاك زكي ايلا تعلمتي يطيح شي درية، وي صاحبي را تانتعلمو من الأخطاء.
سيبون كيفاش طيح درية فمكان عام ؟
الخطوة 1 : فهم/استوعب الأخطاء ديالك.
عندنا بزاف ديال الأسباب لي غادي تعرضك لأهداف ملي تجي توقف على شي درية فمكان عام تاتعرض ليهم فوالا غادي نختاصر او نذكر ليكم شي حاجة منها :
فاش تاتوقف فالتوين او تاتشوف بنادم كيفاش غادي واو تايبان كيلا القلاوي كامل عندو غاراد غايقديه ، كلشي زربان على كرو، او تايكون عندهم داك الخوف ديال را شي براني غادي يجي يزرب عليهم.

نزيدك ايلا كثرتي معاها الهدرة فالمجهود ديال أنك طيحها را غادي يمشي هكاك. باختصار حاول دخلها باختصار.

واحد التفسير اخر ايلا كانت الصاطة مقودة فكن أكيد أنك ماشي انت أول واحد وقف عليها، او كدليل سير شوف ديك خيتنا لي دارت فيديو فكازا وا صاحبي شحال ديال الحزاق لاح ليها الكلام ههههه واحد كٌاع قاليها دعوشة تفو.
او آخر سبب هو أنا نتا فين وقفتي عليها احتمال ماتكونش هْدَرْتي مزيان غاحتمال اصاحبي، احتمال.
الخطوة 2 : فهم/استوعب القواعد الخاصة ديال توقف درية فمكان عام :
باش تقرب من شي صاطة فمكان عام او تزلل عليها بطريقة فنية خاصك تكون سريع فتهم طريقة الهدرة ديالها او تحتارم الحدود ديالها او تحاول تلعب عيهم، ماشي تمشي كي الحمار تبان ليك الدرية ملبداها او تجي نتا تلعب فيها شاروخان او تبدا تهلل قدام بنادم شوف ازبي ايلا كانت الدرية ملبداها را خاصك حتا نتا تلبدها ' واش صافا ؟ كنت غادي او بنتي ليا عجبتيني او قلت مع راسي علاش مانجيش نهدر معاك' كون أكيد بلي را ماغاديش تسوق ليك كمل فهدرتك ' حتا أنا' غادي تقول مع كرها تام الو هادا كيفاش تا أنا ؟ من بعد ماتسكت ديك 5 الثواني ' تا أنا ايلا جا شي براني عليا او بغا يدوي معايا غادي مانجاوبوش' صدقني ا صاحبي ايلا دخلتيها هكا او هدرتي بطريقة مرزنة بصحتك الدرية.
او كاينات داك النوع ديال القحاب لي تايبداو غاديات خالقات السعادة واخا انا ماتنحملش طبون مهم فحالة مابغيتي توقفها را ساهلة كاينة واحد التقنية بحال ديال ابا جدي غير هادي غادي تشد اخر كلمة قالتها خخخ كنا تانهدرو على هاد التقنية او لقلاوي دالكوتش قالك ايلا قالت الموت ؟ ساهلة غاتقوليها را قالك جوج حوايج تايجيو على غفلة الموت او الزملة أنا ماتنحملش نهدر على الموت اجل نهدرو على الزملة، اشنو تايزملك ؟ هععععع
الخطوة 3 : فهم / استوعب علاش التزلال فمكان عام ؟
أنا شخصيا آخر مرة وقفت على شي درية فمكان عام كان فبرج فباس في فاس دخلتها ب' دابا هادي راها سواري ماغاديش نقوليك فين ا زين اولا شي حاجا كدا جيت غير نسولك او غانمشي جاوبتني وي ؟ عرفتي شحال من درية كاتشبه ليك فهاد البرج ؟ ' لا شحال ؟' حتا وحدة او قلتلها بالفرونسي تي اينيك زعما تا وحد ماكتشبه ليك، طبيعة الحال مامشيتش كملت المسيرة ديالي .
نرجعو للسؤال ديالنا فاش تاتمشي توقف على شي صاطة فمكان عام راك تاتعزل راسك على العشران لي تايمشيو القهوة او يبداو يخرجو المكنونات ديالهم، اولا لي تايبقى عاصر فالفايسبوك باش يلقى شي صاطة مقودة، او حتا على عشيرك لي فالكلاس مسكين راه تايعاني فهاد العطلة ماغاديش يمشي يهدر مع الصاطة لمدة سيمانة. او تاتولي عندك واحد القدرة مقودة باش تهدر مع الباشار، من اللخر تاتولي شجاع قاد على تجبد الهدرة مه من كان.
كيفاش خاصك تكون باش طيح درية فالبوبليك ؟
-ضرب شي حطات مزيانات.
-مني تجي تهضر معاها حاول ماتكدبش صاحبي را ماشي خايب تكدب ولكن الخايب هو تبقى تهضر حتا تنسى الكدبة ديالك.
-ماتقولش ليها راقم د تيليفون دغيا خلي ختا طولو فالحديث .
-ماتمشيش تقلب على درية فشي بلاسة مقودة على دين مها ختار ديما الكوانات المقودين.

أنا درت لي عليا الباقي ليكم

تهلاو

#دون_أمين #TEAM_NK7

كيفاش نجبد موضوع مع درية؟ –تقنية آ با جدي-

كيفاش نجبد موضوع مع درية؟ –تقنية آ با جدي-

كانعرف بزاف ديال لقلاقش لي تايتحنسرو فلمواضيع, وتاتعرق ليهم ترمة ديال نيفهم, ماشي حيتاش زغب صهد عليهم, ولكن حيتاش ماعارفينش علاياش يهضرو معاها, ولا شنو يقولو ليها, أولا شنو الموضوع لي يهضرو فيه؟

شوف أزبي, إذا كنتي واحد منهم, وتانتا تاتفزݣ ليك لمسكوطة بسباب هاد لقضية, ليوما جبت ليك واحد التقنية بسيطة و لكن مقودة, غير باش ماتبقاش مشكل, علاش؟ حيتاش أول حاجة : بسباب هاد التقنية غادي تقدر تفهم الشخصية ديال أي قحبة.
وثاني حاجة: هاد التقنية, غاتخليك طيب ليها نوايو تاع كرها بلهضرة, الشيء لي غايخليها تحس براسها تحݣرات و تحاول تزمطك تاهي و تهضر كثر منك, و هاكدا لكوفيرساسيون غاطوال, حيت أصلا لي ماقراوناش فلمدارس دزب, أن الدرية تاتحس بالخوف ملي كاتسكت,-من بعد و نشرح ليكم علاش-.

دابا نرجع لموضوع ونشرح ليك هاد التقنية, لي سميتها "تقنية آ با جدي", حيت تاتعتامد على تقمار, ماشي داك تقمار ديال دوك زوامل لي كايبقاو عاصرين فلقهاوي و كايزللو غير بعينيهم, و تايقول لصحابو "لحاج راني عجبتها", لاء لاء لاء, هاد التقنية تا تعتامد على تقمار من نوع خاص, تقمار حلال مثلا, حيتاش كاتقمر لموضوع من مجموعة ديال ليشوا أو الاقتراحات لي كاتقتابسهم من لحزاق لي غادي تقوليك ملي غاتخدم هاد التقنية, و قبل مانقوليك شنو هو لبرانسيب ديال هاد لقلاوي كامل, بغيتك, تنسى ديك لقضية ديال العجز فالمواضيع, زعما تنسى بلي راك مقودة عليك من جيهت لهضرة, كيفاش غادير؟ بقا تهضر مع راسك مرة مرة, شوف راسك فلمرايا و هضر مع راسك, و بقا تقول لراسك, جيتني مقود على سبيل المثال, سينو, ثقف كرك من لخر, حيت الثقافة العامة هي كلشي, فقضية المواضيع.

دابا تخايل ورحك, -كيما كايقول دون ديالنا-, مع درية, هضرتو بزاف, جا داك البياض لكحل, داك الصمت, داك لكابوس لي معقد زامل تاع بوك, كيفاش دوزو, لقضية سهل من فريع لمهبل, و باش دوزو و دير فيها –زورو- ماعليك غير تخد تقنية –آ با جدي-, لي هي فالأصل لعية و صافي, فمثلا أنا واقف مع درية تمشكلت, و بغيت نجبد موضوع ماعليا غير نسولها و نقوليها : "قولي ليا 3 ديال لكلمات كايعجبوك," من بين دوك الاقتراحات لي عطاتك غاتقتابس الموضوع, ناخدو كمثال ختارت الكلمات التالية : الأناقة, الجمال, الرشاقة, فهاد لحالة عطاتني 3 ديال المواضيع لي باغا تهضر فيهم بلا مانبين ليها بلي راني عندي داك لبوزوان, وبلي محتاج موضوع نهضر فيه, ولكن باش تزيد تكمل الخطة و تكون طبقتي التقنية ميا فالميا, هي تقتابس الموضوع و تقوليها, مثلا: على ذكر الأناقة شمن ماركة ديال لحوايج كاتعجبك؟ أو على ذكر الجمال, واش كايعجبوك دراري لي كايلبسو اللارج؟ ...

هاكدا غاتكون جبدتي موضوع جديد, و ملي يسالي الموضوع دوز ليها لكلمة الثانية و هي غادية... مهم باش تعرفو راه هاد التقنية, صاوبتها أنا, ملي عرفت بلي راه لا بليباغ ديال دراري تايعانيو من هاد العجز فإطالة الحديث, ولقيت راسي مضطر باش نعصر زيت ديال كري –كيما كايقول الدون ديالنا-, و بالنسبة لمصداقية ديالها فراها دائما كاتصدق, غير هو ماتزيدش فيه و تبقى ديما تاديرها مع نفس لبنت, حيتاش غاديرها معاها غير مرة, سنون, يمكن ليك تنوع و تقوليها شنوهوما 3 ديال لكلمات لي ماكاتحمليش؟

#كوتش_زكرياء

كيفاش نطيح درية لابسة لكيت –كاتموسقق- ؟

كيفاش نطيح درية لابسة لكيت –كاتموسقق- ؟

لا ماجوغيطي ديال لمغاربة, على بالهم بلي درية دايرة لكيت, من الأمبوستاحيلات, و الخوارق أنك طيحها, و أن القضية تتطلب منك تولي –زورو- إلا أن العكس هو الصحيح, حيت درية لابسة لكيت هي أسهل فريسة,و قبل مانقوليك علاش هي ساهلة خاصني نقوليك علاش نتا كاتبانليك صعيبة...حيت بكل بساطة التصور الخاطئ ديالك لنفسية ديال لبنت غالطة من أساسها, وتايحسابك أن بنت دايرة لكيت, دايراهوم حيت ماعندهاش مع بنادم و إينفوا غاتحاول تهضر معاها غاتقمعك,...و لكن الواقع هو أن درية لابسة ليزيات, ساااهلة.

أولا : حيت درية دايرة لكيت, كاتعني أنها كاتحس بلوحدة : نورمالمون درية لا كانت مع صحباتها راه ماغاديرش لكيت أو لا كانت مع شي حد, ألوغ بحكم غادية بوحدها ضروري دير ليزيات باش تعود داك النقص لي كاتعاني منو و ديك الوحدة لي كاتعاني منها.

ثانيا: درية لابسة ليزيات, كايكون عاندها واحد ليسبخي ديال الضحك, وكاتكون نشوطية, علاش حيت ملي كاتسمع لموسيقى فإنك كاتغدي الروح كما تايقولي, وهادشي لي كايوقع نسبيا, حيت درية ملي كادير لكيت فودتيها و كاتبقا تموسق, فهي كاتسنت لشي حاجة كاتعجبها ألوغ غاتكون راشقة ليها.

ثالثا : سبق و قلت بلي لا ماجوغيطي ديال لمغاربة كاتبان ليهم لقضية صعيبة يعني يمكن لينا نقولو أن درية دايرة لي كيت, قليل فاش كاتعرض لتزلال, داكشي علاش لقضية غاتكون لصالحك, وماغاتطلبش مجهود كبير.

دابا شنوهوما لي فخاز دابخوش لي تقوليها ؟ صراحة باش دخل درية دايرة لكيت, ماتحتاجش منك شي فخاز محددة, حيت أصلا إين فوا غاتهضر ماغاتسمعكش, غير غاتحيد لكيت باش تسمعك, وديك ساعة يمكن ليك تسولها على ديسك لي كاتسنت ليه, أولا طلب أنك تسنت معاها, سينون هادو شي جمل لي هوما إيفيكاس :

-كاتسنطي لحاجة لحمداوية (مع واحد الإبتسامة), (ضروري غاضحك و غاتقوليك لاش كاتسنط, ومن الأحسن تقوليها بلي ماعندكش مع داك و لا ديك المغنية باش هي تبغي تقنعك وتعطيك تمزك, وسيطول الحديث)

-سمحيليا, بشحال تقديتي هاد لي كيت؟

-كاتسنطي لعظامك؟ (مع ابتسامة)

سمحيليا, واخا نتسنط معاك؟ (مع ابتسامة)

مهم لي تعرفوه من هاد الدرس أن درية لابسة لكيت أسهل من درية ماديراش لي كيت, وأن ماشي لمهم شنو تقول قد ما مهم توقف عليها, ودير محاولة و تكتاسب ثقة في النفس.

#كوتش_زكرياء

واش ضرور نكون زوين باش نطيح درية ؟

واش ضرور نكون زوين باش نطيح درية ؟

بعدما تمكنتي من تقوية الشخصية ديالك, أ وليتي كاتيق فراسك, تماما بحال –زورو-, بقيتي كاتساءل, واش خاصني نكون زوين –بوقوس- باش نطيح درية؟, .. قبل مانجاوبك, بغيتك تعرف علاش دراري زوينين, تايكونو عندهم فرص أكثر باش يطيحو درية, بكل بساطة حيتاش هوما كتاسبو الثقة في النفس ديالهم من خلال الجمال ديالهم, داكشي علاش كايطيحو دريات بزاف, ولكن هوما على بالهم راهوم بزين ديالهم طيحوها, إلا أن علم النفس كايأكد أن الدرية أول حاجة كاتلاحظها هي الشخصية و طريقة التعامل, عاد اللبس, عاد شوية ديال الجمال-وليس ضروري-...وباش تأكد بلي الجمال ماشي مهم, شوف دربكم, غاتلاحظ أن داك دري لي قاطعها فحيكم,كايمشي مع دريات مقودات, واخا هو مافيه ما يتشاف –مع كامل احترامنا ليه-, ولكن لأنه فقط تايق فراسو قدر يطيح دوك دريات.
إذن لي يمكن نعرفوه دابا هو أن الثقة في النفس هي المهمة وماشي الجمال.

ولكن تسنى, هذا لا يعني أنك صافي طفرتيه, و بلي كولشي بإمكانو يطيح درية, لكذوب على الله حرام, ماشي بضرورة تكون زوين إياه و لكن بالضرورة خاصك تعرف هاد المراحل و طبقهوم باش أ لا فان تقدر طيح درية لي بغيتي بلا ماتكون 'برادبيت'
تهلا فراسك, و عرف أن تاواحد ماخايب, راه كاين فقط واحد رقيق و واحد غليظ, واحد صحيح, واحد ضعيف... أما خايب و زوين, حيدها من راسك, حيت أصلا كولنا زوينين, وكولنا تخلقنا من أصل واحد, وبالتالي, نسى هاد التساؤل كأول مرحلة.

أما تاني مرحلة, ولي فايت ذكرتها, وسع الدائرة الإجتماعية ديالك, -سيغكل سوسيال- (عافاكم نبفاو نخدمو لمصطلحات العلمية هه), علاش ؟ حيتاش هي كاتعطي لغير انطباع زوين, وكاتخليهم يحسابوك -ألفامان-, كيما تايجيك نتا ذاك الإنطباع أن درية كاتعرف بزاف ديال الناس, راها -ألفاوومن-, الشيء اللي كايخليك تحساب بلي راه مستحيل طيح علما أن الأمر هين –موضوع آخر-, و لكن كيفاش غانوسع سيغكل سوسيال ديالي؟, فايت قلت كيفاش, ولكن غانذكرك تاني...توسيع السيغكل سوسيال, سهل, حيتاش هو فقط مجرد لعبة, كاتجلى فعدد الناس لي كاتعرف, وباش تعرف ناس جدد حاجة ساهلة إذا كانو عندك أصدقاء, حيتاش صحاب صحابك راهوم صحابك, و بالتالي تعرف عليهم, وخرج معاهوم, و مافيها باس لا تعرفتي على صحابهم تاهوما, و غاتكون مقودة كاااع لا عرفتي المدينة كاملة –غاتانضحك حيتاش لا عرفتي لمدينة كاملة غاتقواد عليك-... إذن وسع لا سيغكل سوسيال, لسبب وهدف, السبب هو ترفع من مستوى الثقة في النفس, الهدف هو تعزز حظوظك باش طيح درية.

كمرحلة ثالثة, لبس مزيان, ماكانقصدش خوي جيبك على لباس, و إنما كانقصد غير ملابس بسيطة, متناسقة, حيتاش علماء النفس, الله يكتر خيرهوم, كايقولو بلي اللباس سامبل, -مافيهش زواقة- تايبن على أنك انسان صريح, ومافيكش كترت التعقيد, وهذا يمكن تجعلو نقطة إيجابية لصالحك, قس على ذلك, النظافة, لي غاتخلي واحد الإنطباع فقلب لبنت, على أنك انسان منظم, وكاتعطي وقت لمظهر ديالك, وعندا كتاني أزبي تمشي تخور لقنت, وتزيد فيه تحسابك غير درية ديما حاضي لمايا. الشيء إن زاد عن حده انقلب إلى ضده.

المرحلة الرابعة, كن تلقائي, حيت التلقائية هي كلشي من بعد الثقة في النفس, و راك تاتفرج فالأفلام أزبي و غاتكون ديما تاتشوف أن داك الشخص, التلقائي, كايكون هو البطل, و تايكون لباسو عادي, لكن متناسق, و لهضرة ديالو مافيهاش دخول و لخروج...باش نقرب ليك الفكرة لراسك, خاصني نسافر بيك لشخصية لبنت, حيت البنت كاتكون مولفة بنادم يزلل عليها, نفس الهضرة كاتكرر يوميا, و الرفض ديما كايكون إلا في حالات ما إذا كان داك لي وقف عليها تلقائي و عفوي, مثال : ملي كاتجي تقول لدرية شحال ساعة, فإنك كاتقولها بتلقائية "سمحيليا شحال ساعة عافاك," و التجاوب ديالها معاك تايكون تلقائي تاهوا , وكاتبتاسم ليك, هادشي لي بغيتك تعرف و دير فبالك, تعامل مع الفتاة بتلقائية, فاش تزلل عليها ماتحاولش تصطانع باش حظوظك تكون كبيرة.

المرحلة الأخيرة كن -جانتلمان-, نسبيا,... حيد من بالك ديك لفكرة ديال لا راه تعناب هاذا, بلعكس, جانتلمان هو داك الشخص لي كايتعامل مع لفتاة كفتاة ماشي كدري, خاص يكون واحد اللطف مرة مرة, علاش مرة مرة, حيت أنا شخصيا طحت فهاد الغلط و تعلمت منو, ملي كاتكون لطيف بزاف كاديرك فلفراندزون, حيت جانتلمان فلمغرب ماكايدويش ليها على الجنس, وداكشي, وإنما تايخلي داكشي فإطار قانوني, وهادا فخ طحت فيه شخصيا و عرفت بلي خاصك تكون جانتلمان يه, ولكن بشكل نسبي كيما قلت, وبالتالي النصيحة لي نقوليك كن جانتلمان, ولكن عرف كيفاش, باشما ديركش فلفراندزون.

تحية للأخ عبدالله الشعيبي. فان من أروع مايكون

#كوتش_زكرياء